मनको भारी कहाँ बिसाऊ माया

 मनको चौतारी

आजभोलि के भाछ मलाई,

जहाँ–जहाँ हेर्छु, तिमी नै देखिन्छौ।

अनायासै, बिना कुनै कारण,

मन तिमीमा मात्रै तल्लीन हुन्छ।

तिमीलाई थाहा नहुन सक्छ —

यो सब त केवल मैले मन बिसाएकै हो।

तर बिसाउने ठाउँ भने

यही एउटा च्याटरूम बनेको छ।

तिमीले नपढे पनि हुन्छ —

तर म लेखिरहन्छु,

किनभने यो अधिकार,

मलाई कसैले खोस्न सक्दैन।

मेरा शब्दहरू तिमीलाई नछुने हुन सक्छन्,

तर यी मेरा भावना हुन् —

जसलाई मौन प्रेम पनि भन्छन्।